Eron janubi-sharqidagi Zohidon shahrida sud binosiga qurolli hujum oqibatida kamida besh kishi halok bo‘ldi, 13 kishi jarohatlangan.

Fars agentligi xabariga ko‘ra, jangarilar tinch aholiga qarata ham betartib o‘q uzgan. Halok bo‘lganlar orasida ayol va chaqaloq ham bor.

Terrorist attack by unidentified gunmen on a courthouse in Iran's southeastern city of Zahedan has left several people injured and the building evacuated. pic.twitter.com/Met3oALC0Z

— Tehran Times (@TehranTimes79) July 26, 2025

«Uch nafar terrorchi yo‘q qilindi. Qator fuqarolar va ularning mulkiga ziyon yetkazilgan», — deyiladi agentlik xabarida.

Yaradorlarning ayrimlar og‘ir ahvolda ekanligi aytilmoqda.

To‘ldirilgan ma’lumot!

So‘nggi ma’lumotga ko‘ra, sud binosiga beluj terrorchilari hujum qilgan. Qurbonlar — 6 nafar, jarohatlanganlar — 22 nafar. O‘ldirilganlarning uch nafari — sud binosi qo‘riqchilari. Shuningdek, uch terrorchi o‘ldirilgan.

«Jaysh al-Adl» terrorchilar guruhi hujumni o‘z bo‘yniga oldi — belujlarni o‘limga hukm qilgan va ularning uylarini buzdirgan sudyalardan o‘ch olish maqsadida terakt amalga oshirilgan.