Yevro-2024. Fransiya va Niderlandiya Polshani turnirdan chiqarib yubordi
Polsha Yevropa chempionati pley-off bosqichidan mahrum bo‘lgan ilk terma jamoaga aylandi.
Niderlandiya va Fransiya 0:0 hisobida durang qayd etishi bunga sabab bo‘ldi. Ikkinchi turdan so‘ng D guruhida jamoalar quyidagicha holatda: Niderlandiyada — 4 ochko, Fransiyada — 4, Avstriyada — 3, Polshada — 0.
3-turda polyaklar avstriyaliklar bilan ochkolarini tenglashtirib olgan taqdirda ham turnir jadvalida tepaga ko‘tarila olishmaydi: o‘zaro uchrashuvda Avstriya Polshani 3:1 hisobida mag‘lubiyatga uchratgan.
Yevro-2024 asosiy favoritlaridan sanalayotgan Fransiya bu turnirda hali rosmana gol kiritgani yo‘q: Avstriya bilan o‘yindagi g‘alaba golini raqiblar o‘z darvozasiga kiritib qo‘ygandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter