Farg‘onada issiqxonasida ko‘knori yetishtirayotgan «dehqon» fosh qilindi
![Farg‘onada issiqxonasida ko‘knori yetishtirayotgan «dehqon» fosh qilindi](http://static.xabar.uz/crop/3/0/720_460_95_3039651516.jpg)
Farg‘ona viloyat Oltiariq tumanida tomorqasidagi issiqxonada ko‘p miqdordagi ko‘knori giyohvandlik moddasini yetishtirgan shaxs aniqlandi.
Viloyat Ichki ishlar boshqarmasi axborot xizmati bergan ma’lumotga ko‘ra, joriy yilning 18-mart kuni Farg‘ona viloyat IIB, DXX hamda Oltiariq IIB tezkor xodimlari ishtirokida o‘tkazilgan tadbirda «Chinortagi» MFY da yashovchi, 1961-yilda tug‘ilgan fuqaro yashash uyi tomorqasida joylashgan issiqxonada jami 1 800 tup ko‘knori giyohvandlik o‘simligini parvarishlab kelayotgani ma’lum bo‘lgan.
Bundan tashqari, mazkur uyning og‘ilxonasida quritilgan holdagi 6 kg ko‘knori giyohvandlik moddasining quritilgan poyalarini saqlayotgani fosh bo‘lgan.
Holat yuzasidan tergovga qadar tekshiruv olib borilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter