Farg‘onadagi YTHda 18 va 19 yoshli fuqarolar halok bo‘ldi
Farg‘ona viloyati, O‘zbekiston tumanidagi YTHda ikki kishi halok bo‘ldi. Bu haqda viloyat IIB xabar berdi.
Hodisa 2026-yil 14-iyun kuni O‘zbekiston tumani «A.Jomiy» MFYda,«Qo‘qon-Yaypan-Isfara» avtomobil yo‘lida sodir bo‘lgan.
2008-yilda tug‘ilgan haydovchi R.N (ayol) Lacetti rusumli avtomobilini boshqarib ketayotib, quvib o‘tish qoidasiga amal qilmasdan qarama qarshi yo‘nalishga o‘tib, o‘z yo‘nalishida harakatlanib kelayotgan 1973-yilda tug‘ilgan R.O FAW TIGER rusumli avtomobili bilan to‘qnashib yo‘l-transport hodisasi sodir etgan.
Natijada Lacetti avtomobil haydovchisi R.N (ayol) va avtomobilda bo‘lgan 2007-yilda tug‘ilgan yo‘lovchi Z.Sh shifoxonada vafot etgan.
Hozirda ushbu holat yuzasidan O‘zbekiston tumani IIB tomonidan tergovga qadar tekshiruv harakatlari olib borilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter