Hindistonda mudhish rekord yangilandi
So‘nggi 24 soat ichida Hindistonda COVID-19 pnevmoniyasi chaqirgan asoratlar tufayli o‘lim soni bo‘yicha rekord qayd etildi. Bu haqda rasmiy statistik ma’lumotlarga tayanib «The Times of India» xabar bergan.
Dastlabki ma’lumotlarga ko‘ra, 918 kishi hayotdan ko‘z yumdi. Nashrning ta’kidlashicha, kunlik o‘lim soni birinchi marta 900 tadan oshmoqda. O‘tgan oylar davomida kasallik asoratlari tufayli qariyb 20 ming kishi vafot etdi. Pandemiya davrida jami 40,6 ming kishi olamdan o‘tgan.
Koronavirusni yuqtirganlar soni o‘tgan bir kecha-kunduzda mamlakatda 56,2 ming kishidan oshdi. Hindistonda jami 1,9 million kishi kasallikka chalingan.
6-avgust holatiga ko‘ra, dunyoda COVID-19ga chalinganlar soni 18,7 milliondan oshdi. Pandemiya 188 mamlakatni qamrab olgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter