2025 yil 19 may kuni Toshkentda Tech Carnival 2025 mintaqaviy tadbiri doirasida Huawei Cloud TechWave Summit 2025 sammiti bo‘lib o‘tdi. Texnologik yetakchilar va ekspertlar «Muvaffaqiyatni kuchaytirish uchun intellektuallikni tezlashtirish» umumiy mavzusi ostida birlashib, sun’iy intellektga asoslangan bulutli yechimlar butun Yaqin Sharq mintaqasi va Markaziy Osiyodagi sanoatni qanday o‘zgartirayotganini o‘rgandilar.

- Sammitda sun’iy intellektga asoslangan bulutli innovatsiyalar va mintaqadagi muvaffaqiyatli raqamli transformatsiya misollari taqdim etildi.

«Huawei Cloud Stack Yaqin Sharqdagi gibrid bulutli yechimlar bozorida asosiy ishtirokchiga aylandi. Bulutli texnologiyalardan sun’iy intellektga asoslangan texnologiyalarga - Huawei Cloud Stack sun’iy intellektni rivojlantirish va raqamli transformatsiyani rag‘batlantirish orqali bulutli texnologiyalarga oson va samarali o‘tishni ta’minlaydi. Bu korxonalarga yanada samarali rivojlanishga, o‘z jarayonlarini boshqarishga va sun’iy intellektning o‘z modellarini yaratishga yordam beradi. Huawei Cloud vitse-prezidenti va Huawei Hybrid Cloud bo‘limi prezidenti Shon Syao o‘zining tabrik nutqida sun’iy intellekt davrida bulutli texnologiyalarning muhim o‘rnini ta’kidlab, quyidagilarni ta’kidladi: «Biz birgalikda bulutli innovatsiyalarga yo‘l ochmoqdamiz va yangi raqamli Ipak yo‘lini qurmoqdamiz».

Bulutli-nativ texnologiyalardan sun’iy intellektga asoslangan texnologiyalarga raqamli transformatsiya

Dunyo bo‘ylab mamlakatlar va kompaniyalar sun’iy intellektni o‘zlarining asosiy strategiyalari negiziga qo‘yib, bulutli yechimlardan sohalarni o‘zgartirish uchun poydevor sifatida foydalanmoqdalar. Doimiy innovatsiyalar tufayli Huawei Cloud raqamli va intellektual turtki yaratadi, sanoat o‘zgarishlarini rag‘batlantirish uchun hisoblash, ma’lumotlar, modellar va ilovalarda sun’iy intellekt imkoniyatlarining to‘liq to‘plamini taqdim etadi.

Huawei Cloud kompaniyasining Yaqin Sharq va Markaziy Osiyodagi prezidenti Alan Si tashkilotlar intellektual transformatsiyani tezlashtirish uchun sun’iy intellekt imkoniyatlaridan qanday foydalanishi mumkinligi haqida gapirdi. «Huawei Cloud bo‘limi innovatsion yechimlar, maksimal unumdorlik va ishonchli xizmatlarni taqdim etish orqali turli sohalar bilan chuqur hamkorlik qiladi. Sun’iy intellekt imkoniyatlarining to‘liq to‘plami yordamida biz yanada ko‘proq mijozlarga raqamli va aqlli texnologiyalarga o‘tishga yordam berish uchun turtki yaratamiz,« - dedi Alan va Huawei Cloud dunyoni ishonchli hisoblash bazasi bilan ta’minlashga intilishini ta’kidladi.

Huawei Cloud KooVerse 170 dan ortiq mamlakatlarda xizmat ko‘rsatadigan 33 ta mintaqadagi 96 ta mavjudlik zonasini (AZ) o‘z ichiga olgan keng qamrovli global infratuzilmani taklif etadi. Ushbu yagona arxitektura har qanday miqyosdagi kompaniyalarga global operatsiyalarni uzluksiz tashkil etish imkonini beradi.

Intellektual bulutli yechimlar yordamida korxonalar imkoniyatlarini kengaytirish

Kompaniyalar muayyan ssenariylar uchun imkoniyatlar va yechimlarni kengaytirish uchun bulutli platformalarni tobora ko‘proq joriy etar ekan, Huawei Cloud Stack ushbu so‘rovlarga keng qamrovli takliflar bilan javob beradi.

«Huawei Cloud Stack 30 dan ortiq mashhur sun’iy intellektning asosiy modellarini, jumladan DeepSeek va Huawei kompaniyasining Pangu modelini qo‘llab-quvvatlaydigan sun’iy intellektni ishlab chiqish uchun to‘liq platforma va integratsiyalashgan vositalarni taqdim etadi. Bu korxonalarga sun’iy intellektning buyurtma modellarini tezda yaratish va ularni mahalliy infratuzilmaga osongina joylashtirish imkonini beradi», - deya tushuntirdi Huawei Hybrid Cloud xalqaro bo‘linmasining texnik direktori Djoni Lyu. Huawei Cloud Stack ma’lumotlar, AI va ilovalar bilan ishlash uchun ishonchli bulut bazasini yaratadi hamda Yaqin Sharq va Markaziy Osiyo korxonalari imkoniyatlarini maqsadli ravishda kuchaytiradi.

Amaliyotdan muvaffaqiyatli misollar: harakatdagi sanoatlarning intellektualligi

Sammitda iqtisodiyot, davlat boshqaruvi va jamiyatni raqamlashtirish bo‘yicha «Raqamli O‘zbekiston - 2030» milliy strategiyasida Huawei Cloud texnologiyalari qay darajada faol joriy etilayotgani namoyish etildi.

O‘zbekiston Respublikasi Raqamli hukumat loyihalarini boshqarish markazi ma’lumotlar markazi tizimlarini monitoring qilish bo‘limi boshlig‘i Asliddin Abdufattohov Huawei Cloud texnologiyalari qanday qilib xavfsiz va ishonchli milliy bulutni yaratishga imkon berganini aytib berdi. «Raqamli O‘zbekiston - 2030» – bu bizning intellektual, shaffof va fuqarolarga yo‘naltirilgan davlat qurish bo‘yicha ulkan milliy yo‘limizdir. Innovatsiyalar, ishonchli infratuzilma va global hamkorlik tufayli biz har bir fuqaro va har bir sohaning imkoniyatlarini kengaytiradigan raqamli kelajakni shakllantirmoqdamiz», - dedi u. Shuningdek, u Huawei Cloud KooGallery platformasi global tajribani mahalliy biznes yutuqlari bilan qanday birlashtirishini tushuntirdi.

Waseel infratuzilma menejeri Mirza Shafiq Ahmad Baig, Huawei Cloud xizmatlarining bulutli-nativ arxitekturasi va ilg‘or texnologiyalarga asoslangan kompleks yechimlardan foydalangan holda sog‘liqni saqlash sohasidagi texnologiyalarni kompaniya qanday qayta ko‘rib chiqayotgani bilan o‘rtoqlashdi. Bu xavfsizlikni oshirish, serversiz optimallashtirish va to‘liq foydalanish hamda xizmat ko‘rsatish jarayonini ta’minlash imkonini beradi. «Huawei Cloud bulutli-nativ xizmat ko‘rsatish arxitekturasidan foydalangan holda, Waseel kompaniyasi Yaqin Sharqdagi sog‘liqni saqlash sohasida raqamli yechimlarni takomillashtirmoqda», – ta’kidlab o‘tdi spiker.

Barcha sohalarda sun’iy intellekt asosidagi innovatsiyalar

Huawei Cloud kompaniyasining sun’iy intellektga asoslangan yechimlar bo‘yicha bosh arxitektori Chju Chjenhua sun’iy intellektga asoslangan ma’lumotlar tahlili minglab sohalarda innovatsiyalar va rivojlanishni qanday rag‘batlantirishi haqida fikr bildirdi. Uning ta’kidlashicha, Huawei Cloud platformalar va bulutli xizmatlarning keng to‘plami, jumladan DataArts ma’lumotlarni ishlab chiqish va boshqarish platformasi, ModelArts sun’iy intellektning asosiy ochiq modellarini qo‘llab-quvvatlovchi sun’iy intellektni ishlab chiqish platformasi, yirik Pangu modellari tufayli sun’iy intellektni joriy etishni tezlashtirmoqda.

Ushbu integratsiyalashgan imkoniyatlar korxonalarga butun dunyo bo‘ylab 1000 dan ortiq mijozlarga xizmat ko‘rsatadigan turli sohalarda sun’iy intellektning har xil modellarini joriy etish uchun kuchli va moslashuvchan asos yaratadi.

Huawei Cloud Marketplace (Huawei bulutli xizmatlar marketpleysi) vitse-prezidenti Syan Meychjao sammitda Huawei Cloud Developer Program ishlab chiquvchilari uchun yangi dasturni e’lon qildi. Ushbu tashabbus dasturchilarga ilg‘or innovatsiyalardan foydalangan holda ilovalarni bulutga oson o‘tkazishga yordam beradi.

Sammitda, shuningdek, Huawei Cloud KooGallery platformasi va ekotizim bo‘yicha hamkorlar o‘rtasidagi yechimlarning ssenariy kombinatsiyalari taqdim etildi, bu raqamli hukumat loyihalarini boshqarish markazi, iSoftStone, Aladdin Cyber Security, China Unicom kabi qo‘shma loyihalar orqali davlat va korporativ sektorlarni intellektual modernizatsiya qilishga yordam beradi.

Yaxshilik uchun bulut: Intellektual kelajakga nazar

Huawei Cloud qarashlari «Hammasi xizmat sifatida» konsepsiyasiga qaratilgan bo‘lib, u Huawei kompaniyasining 30 yildan ortiq raqamli transformatsiya tajribasini arzon bulutli yechimlarga aylantiradi. Bu yondashuv shunchaki infratuzilma yoki texnologiyaga sarmoya kiritish doirasidan tashqariga chiqadi - u har bir kishiga muvaffaqiyatga erishish va raqamli transformatsiya jarayonida yetakchilik qilish imkoniyatini berishga qaratilgan.

Huawei kompaniyasining O‘zbekistondagi PR-menejeri Aleksandra Nabiyeva kompaniyaning ta’limni rivojlantirish, atrof-muhitni muhofaza qilish, sog‘liqni saqlashni yaxshilash va ijtimoiy inklyuziyaga qaratilgan «Cloud for Good» (Yaxshilik uchun bulut) tashabbusini taqdim etdi. «Cloud for Good» tashabbusi kompaniyaning jamiyatda ijobiy o‘zgarishlarni yaratish uchun texnologiyalardan foydalanishga sodiqligini ko‘rsatadi», - dedi u butun dunyo bo‘ylab, Yaqin Sharq va Markaziy Osiyo mamlakatlarida, shuningdek, O‘zbekistonda tashabbusni amalga oshirish misollari haqida ta’kidlab.

Huawei Tech Carnival & Partner Summit 2025 19-20 may kunlari Toshkentda bo‘lib o‘tdi, u tarmoq texnologiyalari, bulutli infratuzilma, optik yechimlar, sun’iy intellekt davriga moslashtirilgan ma’lumotlarni saqlash tizimlaridagi innovatsiyalar bo‘yicha bir qator ixtisoslashtirilgan forumlarni birlashtirdi.

Tadbir haqida batafsil: https://e.huawei.com/ae/events/2025/ae/tech-carnival