Toshkent shahar IIBB poytaxtda yashovchi ikki nafar voyaga yetmagan qizning bedarak yo‘qolgani haqida xabar tarqatdi. 

Boshqarma matbuot xizmati xabar berishicha, 2005-yilda tug‘ilgan Anvarova Farangiz Xayrullo qizi 24-yanvar kuni, soat taxminan 15:40da  Chilonzor hududida uyidan chiqib ketib, bedarak yo‘qolgan.

Belgilari: Bo‘yi 155-160 sm, bug‘doyrang, sochlari uzun, jigarrang tusda.

Yo‘qolgan kunda qizning egnida qora rangli kalta kurtka, oq vodolazka, qora yubka, qora tufli bo‘lgan.

Oradan bir kun o‘tib, 24-yanvar kuni Toshkentning Sergeli tumanida 2003-yilda tug‘ilgan Mannapova Diana Andreyevna uyidan chiqib ketib, qaytib kelmagan.

Belgilari: Bo‘yi 160-165 sm, oq-sariqdan kelgan, o‘rta gavda tuzilishli, sochlari uzun, jigarrang tusda, ko‘zlari yashil.

Yo‘qolgan kunda uning egnida to‘q sariq rangdagi kurtka, oq kofta, to‘q-ko‘k yubka va qora yengil etik bo‘lgan.

Toshkent shahar IIBB ushbu qizlarni qidirishda yordam so‘rab, ularni ko‘rgan yoki boshqa ma’lumotlarga ega bo‘lgan fuqarolardan 102 telefon raqamiga qo‘ng‘iroq qilishlarini iltimos qilgan.