Isroil sulh doirasida 90 nafar falastinlik mahbusni ozod qildi
Isroil qamoqxonasidan ozod qilingan falastinliklar G‘arbiy Sohildagi Beytuniya shahriga olib kelindi. Ular turli jinoyatlar – tosh otishdan tortib, qotillikka urinish kabi jiddiyroq ayblovlar uchun hibsga olingan bo‘lgan.
Mahbuslarning ozod qilinishi yakshanba kuni boshlangan G‘azo sulh bitimi doirasida ozod qilingan uch isroillik evaziga amalga oshirilgan.
Isroil qamoqxonalaridan ozod qilingan falastinlik mahbuslar, asosan ayollar va bolalarni tashkil qilgan.
Eslatib o‘tamiz, uch bosqichdan iborat sulhning birinchi bosqichi dastlabki olti haftalik otashkesimni, HAMAS tomonidan garovga olingan 33 kishini bosqichma-bosqich ozod qilishni va Isroildagi yuzlab falastinlik mahbuslarni ozod qilishni talab qiladi. Garovga olinganlar orasida ayollar, bolalar, qariyalar va yaradorlar bor.
Shuningdek, birinchi bosqich anklavga insonparvarlik yordamining ko‘payishiga imkon berish uchun G‘azodan Isroil kuchlarini qisman olib chiqishni ham o‘z ichiga oladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter