Jizzaxdagi 700 gektardan ortiq pistazorlar aholiga bo‘lib beriladi
![Jizzaxdagi 700 gektardan ortiq pistazorlar aholiga bo‘lib beriladi](http://static.xabar.uz/crop/3/0/720_460_95_3066720217.jpg)
Ayni paytda Prezident Mirziyoyev ishtirokida Jizzaxda bo‘lib o‘tayotgan yig‘ilishda viloyatning Zarbdor tumani hududidan o‘tgan Qo‘qon – Jizzax avtomobil yo‘li chetidagi 55 gektar, Yangiobodda 700 gektar eski pistazorlarni yangilab, 5 gektardan aholiga bo‘lib berish taklifi ma’qullandi.
Shuningdek, Zarbdorda sotilmay qolayotgan 10 ta va xususiylashtirish dasturiga kiritilgan 6 ta obyektning boshlang‘ich bahosini 10 foizgacha pasaytirib, 5 yilgacha bo‘lib-bo‘lib to‘lash imkoniyati berilsa, tadbirkorlar loyiha qilishi va 200 ta ish o‘rni yaratilishi mumkinligi ta’kidlandi.
«Mana, birgina tumanni o‘zida qancha imkoniyat! Qo‘shimcha 5 mingta ish o‘rni, kamida 50 million dollar eksport, tuman budjetiga qo‘shimcha 80 milliard so‘m tushum», – dedi davlat rahbari.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter