Jomboydagi gaz quyish shaxobchasida avtomobillar yonib ketdi
Jomboydagi gaz quyish shaxobchasida yuz bergan yong‘inda uchta avtomobil zararlandi.
Kecha, 10-avgust soat 22:00 da Samarqand viloyatining Jomboy tumani, «Shayman» MFY hududida joylashgan avtomobillarga siqilgan gaz quyish shaxobchasi hududida avtomobillarda yong‘in kelib chiqqanligi to‘g‘risida FVBga xabar kelib tushgan.
5 ta yong‘in-qutqaruv ekipaji soat 22:15 da voqea joyiga yetib borgan, yong‘in soat 22:21 da qurshab olinib, soat 22:30 da o‘chirilgan.
Yong‘in oqibatida KIA Bongo, Damas va Gentra rusumli avtomobillar zararlangan.
Yong‘in sababi va zarari aniqlanmoqda. Tan jarohati olganlar yo‘q. Voqea joyiga viloyat va tuman FVB rahbarlari chiqqan, deyiladi FVV xabarida.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter