Android qurilmalar uchun Xabar.uz mobil ilovasi. Yuklab olish ×

Komil Allamjonov Germaniyaning nufuzli kompaniyasi mintaqaviy direktori bilan uchrashdi

Komil Allamjonov Germaniyaning nufuzli kompaniyasi mintaqaviy direktori bilan uchrashdi

«Facebook» / Komil Allamjonov

O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi direktori Komil Allamjonov Germaniyaning «Heidelberg» kompaniyasi vakillari, Sharqiy Yevropa bo‘yicha mintaqaviy direktori Jozef Mozer bilan uchrashdi. Bu haqda agentlik rahbari o‘zining «Facebook»dagi sahifasida xabar qoldirdi.

Aytilishicha, matbaa va poligrafiya uskunalarini ishlab chiqaruvchi «Heidelberg» kompaniyasi jahon bozorining deyarli yarmi (50 foizi)ni egallagan, dunyoning 170 davlatida 250 ta o‘z tarmog‘iga ega.

«Facebook» / Komil Allamjonov

Uchrashuv davomida «Heidelberg» kompaniya vakillari Agentlik tizimidagi nashriyotlarning ishlab chiqarish texnikalari bilan tanishishdi, nashriyotlarning mavjud imkoniyatlarini o‘rgandilar.

«Facebook» / Komil Allamjonov

Uchrashuvda O‘zbekiston va Germaniya kompaniyasi bilan o‘zaro hamkorlik o‘rnatish, yurtimizda poligrafiya sohasini yangi darajaga ko‘tarish, sohani tubdan qayta isloh qilish va ushbu yo‘nalishga tajribali mutaxassislarni jalb qilish borasida fikr almashildi va istiqboldagi rejalar keng muhokama qilindi.

Izohlar

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring