Koronavirus mashhur modelerni bu dunyodan olib ketdi
Yaponiyalik modeler, «Kenzo» brendi asoschisi Kendzo Takada 4-oktyabr, yakshanba kuni Fransiyada koronavirus tufayli hayotdan ko‘z yumdi. Bu haqda «Monde» gazetasi xabar berdi.
«Kendzo Takada 2020-yil 4-oktyabr, yakshanba kuni Nyoyi-syur-Sen (Fransiyadagi kommuna) Amerika klinikasida COVID-19 asoratlari tufayli vafot etdi», — deb yozadi gazeta.
Ma’lumotlarga ko‘ra, Takada 1965-yili Yaponiyadan Parijga ko‘chib o‘tgan, 1970-yilda esa u o‘zining brendini tashkil etgan va birinchi butigini ochgan. Hozir erkaklar, ayollar va bolalar kiyimlari, shuningdek, parfyumeriya va aksessuarlar tayyorlovchi brend «LVMH» kompaniyasiga tegishli.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter