Krishtianu Ronaldu «An Nasr»ga o‘tdi. U qancha maosh olishi ham e’lon qilindi
Saudiya Arabistonining «An Nasr» klubi Krishtianu Ronaldu transferini e’lon qildi.
37 yoshli hujumchi klub bilan 2025 yil yozigacha mo‘ljallangan bitim imzoladi. Portugaliyalik futbolchining yillik maoshi — tijorat va elchilik xizmatlari bilan 200 mln yevroni tashkil etadi.
E’tiborlisi, «An Nasr»da O‘zbekiston milliy jamoasi yarimhimoyachisi Jaloliddin Masharipov o‘ynaydi va shu paytga qadar 7-raqam aynan Jaloliddinga tegishli edi.
Eslatib o‘tamiz, Krishtianu JCh-2022 oldidan «MYu» bilan amaldagi shartnomasini bekor qilgan edi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter