Namanganda kulolchilik sexi tomonidan 1 mlrd. so‘mlik gaz o‘g‘irlangani aniqlandi
Yangi Namangan tumanidagi o‘ziga qarashli kulolchilik sexida umumiy foydalanishdagi tabiiy gaz tarmog‘iga o‘zboshimchalik bilan ulanib, 2,6 mln. metr kub. 1 mlrd. so‘mlik tabiiy gaz o‘g‘irlangan. Bu haqda Bosh prokuratura matbuot xizmati xabar berdi.
Ta’kidlanishicha, holat yuzasidan kulochilik sexi egasi bo‘lgan yakka tartibdagi tadbirkorga nisbatan Jinoyat Kodeksining 169-moddasi bilan jinoyat ishi qo‘zg‘atilgan.
Bosh prokuratura tadbirkorlarni energiya resurslaridan qonuniy tartibda va oqilona foydalanishga chaqirgan.
«Huquqni muhofaza qiluvchi va nazorat organlari tomonidan tabiiy gaz va elektr energiyasidan noqonuniy foydalanish holatlarini fosh etishga qaratilgan kuchaytirilgan reyd tadbirlari davom etmoqda.
Shuni unutmangki, energoresurslardan qonunga xilof ravishda foydalanish holatlari fosh etiladi va jazo muqarrarligi ta’minlanadi», deyiladi rasmiy xabarda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter