Lukashenko Zelenskiy bilan muhim masalada uchrashish istagini bildirdi
Belarus prezidenti Aleksandr Lukashenko Ukraina yetakchisi Vladimir Zelenskiy bilan muzokara o‘tkazishni xohlashini aytdi.
Bu haqda Lukashenko “Rossiya 1” telekanaliga bergan intervyusida ma’lum qildi.
"Men u bilan gaplashishni istardim. Unga aytadigan gapim bor. Menimcha, maslahatlashuvga kirishish vaqti keldi. Rossiya armiyasi barcha jabhalardagi yirik aholi punktlarini nazoratga oldi va ularni to‘xtatish qiyin bo‘ladi", - dedi Lukashenko.
Lukashenkoning fikricha, Zelenskiy “to‘xtamasa, butun Ukrainani yo‘qotadi”.
“Ukraina mojarosi bo‘yicha yaxshi takliflar bor, ularni AQSh prezidenti Donald Tramp ham eshitgan”, — dedi Lukashenko.
Rossiya Ukrainaga hujum qilgach, Kiyevning Belarus bilan munosabatlari keskin yomonlashdi. Ukraina qo‘shnisini Rossiya hujumi uchun sharoit yaratishda aybladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter