Amerikalik qo‘shiqchi Madonna X ijtimoiy tarmog‘idagi sahifasi orqali Rim papasi Lev XIVga murojaat qilib, uni G‘azo sektoriga borishga chaqirdi.

San’atkor G‘azo sektorida azob chekayotgan bolalar taqdiridan tashvishda. Rim papasining G‘azoga kirishiga hech kim to‘sqinlik qila olmasligiga uning ishonchi komil.

Politics Cannot affect Change.
Only consciousness Can. Therefore I am Reaching out to a Man of God.

Today is my Son Rocco‘s birthday.
I feel the best gift I can give to him as a Mother - is to ask everyone to do what they can to help save the innocent children caught in the… pic.twitter.com/y2B3BsXAMt

— Madonna (@Madonna) August 11, 2025

«Iltimos, hali ham kech emas, G‘azoga otlaning, bolalarga ziyo ulashing. Ona sifatida ularning (g‘azolik bolalarning) azoblanishiga chiday olmayapman. Dunyodagi jami bolalar — barchamizning farzandlarimiz, ular har birimizga tegishli.

Begunoh bolalarni qutqarish uchun insonparvarlik yo‘laklari to‘liq ochilishi shart. Vaqt tugab boryapti, iltimos, u yerga borishga so‘z bering», — deb yozdi Madonna.

Qo‘shiqchi «nizolashayotgan» hech bir tomonga yon bosmasligini va hech kimni ayblamasligini alohida ta’kidladi.

«Hamma azob chekyapti. Yagona maqsadim — bolalar ochlikdan o‘lmasligi uchun nimadir qilish», — dedi qo‘shiqchi.