Android qurilmalar uchun Xabar.uz mobil ilovasi. Yuklab olish ×

Mo‘’jiza tufayli bomba hujumidan omon qolgan obida, tarix va bugun uchrashgan shahar (foto)

Mo‘’jiza tufayli bomba hujumidan omon qolgan obida,  tarix va bugun uchrashgan shahar (foto)

Kyoln ibodatxonasi shaharning “tashrif qog‘ozi”ga aylangan.

Foto: “Xabar.uz”

Germaniyaning Shimoliy Reyn-Vestfaliya mintaqasida joylashgan Kyoln nafaqat mamlakat, balki butun Yevropaning oqsoqol shaharlaridan biri sanaladi. DW tashkil qilgan xalqaro ilmiy-amaliy anjuman bahonasida Kyolnda bo‘lgan «Xabar.uz» muxbiri mazkur tarixiy shahar «hasbi holi»ga muxtasar chizgi berib, ayrim fotosuratlar bilan o‘rtoqlashadi.

Kyoln shahrining tavalludi miloddan avvalgi I asrga borib taqaladi. Reyn daryo bo‘yida barpo etilgan ma’mur qasaba yillar o‘tib yirik shaharga aylandi, Rim imperiyasidan tortib o‘rta asrlar saltanatlariga qadar – turli sulolalarga bag‘ridan joy berdi. 

Bir milliondan ziyod aholi istiqomat qilayotgan Kyoln Germaniyaning nufus borasida to‘rtinchi, hudud borasida uchinchi shahri, ayni choqda, iqtisodiy-madaniy markazlaridan biridir.

Shahar ramziga aylangan ibodatxona (Kölner Dom) dunyodagi eng baland cherkovlar ro‘yxatida uchinchi o‘rinda turadi. Rim-katolik gotik uslubida barpo etilgan obida, ma’lumotlarga ko‘ra, Ikkinchi jahon urushi bombardimonlaridan ham omon chiqqan.

Izohlar

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring