Ayrim manbalar jinoyat ishlari bo‘yicha Namangan viloyati Pop tuman sudi sobiq imom-xatib Odilxon qori Yunusxon o‘g‘li Ismoilovning hibsga olingani haqida yozmoqda.

Oliy sud matbuot xizmati mazkur ma’lumotni tasdiqlab, O.I. (1977-yilda Namangan viloyatida tug‘ilgan, «Rayxon oilaviy milliy taomlari» ta’sischisi, muqaddam sudlangan) va boshqalarga (jami 6 kishi) nisbatan Jinoyat kodeksining 167, 179, 184, 189, 28,209, 209, 227, 228-moddalari bilan ayblov qo‘yilganini, ularga oid jinoyat ishi ayni paytda jinoyat ishlari bo‘yicha Pop tuman sudida ochiq sud majlisida ko‘rib chiqilayotganini xabar qildi.

Sudlanuvchi O.I. va yana 4 nafar shaxsga «qamoqqa olish», 1 nafar shaxsga esa «garov» tarzidagi ehtiyot choralari qo‘llanilgan.

Ma’lumot uchun, Odil qori Yunusxon o‘g‘li Toshkentdagi «Shayx Zayniddin» (Ko‘kcha), «Firdavs» va «Xo‘ja Alambardor» (Kamolon) masjidlarida imom xatiblik qilgan. Shuningdek, u bir muddat «Vaqf» fondi rahbariyatida ishlagan.

Oliy sud matbuot xizmati jinoiy ish sobiq imomning qaysi faoliyati bilan bog‘liq ekaniga aniqlik kiritmagan.