Milliy Aeronavtika va Koinot Boshqarmasi (NASA) yaqin orada Marsga raketalarni yuborish imkoniyatlarini ko‘rib chiqmoqda.

“Biz barcha variantlarni, jumladan, 2026 va 2028-yillarda uchirish oynalarini ham, oxir-oqibat Marsga qo‘nishga imkon beradigan texnologiyalarni sinab ko‘ryapmiz”, — deya NASA matbuot kotibi Betani Stivensning so‘zlaridan iqtibos keltiradi Politico.

2026 va 2028-yillar ko‘rib chiqilmoqda, chunki bu Yer va Mars bir-biriga eng yaqin bo‘ladigan eng yaqin davrlar bo‘lib, bu parvozlar uchun qulaydir. 

Politico ta’kidlaganidek, NASA bayonoti koinotni tadqiq qilishning ustuvor yo‘nalishlari o‘zgarganidan dalolat beradi, chunki AQSh Kongressi allaqachon Oyni tadqiq qilish dasturini ma’qullagan va NASAʼga insonning Yer sun’iy yo‘ldoshida yoki uning yonida uzoq muddatli bo‘lish imkoniyatini ta’minlashga majburiyatini qo‘ygan.

Shu sababli Kongress a’zolari yangi xarajatlar bandini moliyalashtirishga ruxsat berishdan bosh tortishi mumkin. 

Agar NASA’ning yangi rejalari amalga oshsa, Ilon Maskning Space X kompaniyasi o‘z raketalarini ushbu parvozlar uchun ishlatishi mumkin. Ilon Maskning o‘zi mart oyida odamsimon Optimius robotiga ega Starship kosmik kemasi 2026-yil oxirida Marsga uchishini ma’lum qilgandi.