Ispaniyalik olimlar va tadqiqot guruhidagi diyetologlar brokkoli karami iste’molini ko‘paytirish sulforafan va mirozinaza antioksidantlari tufayli saraton xavfini kamaytirishi mumkinligini aniqladilar. Tadqiqot natijalari Nutrients jurnalida chop etildi.

Yangi tadqiqot ustida ishlash jarayonida olimlar brokkoli iste’molining darajalari va saratonning rivojlanish ehtimoli o‘rtasidagi bog‘liqlik haqida ilgari nashr etilgan bir necha o‘nlab ilmiy maqolalarni tahlil qilishdi. Tahlil shuni ko‘rsatdiki, diyetada ushbu mahsulotning kamligi saraton kasalligining yuqori tarqalishi bilan bog‘liq.

Brokkolini muntazam iste’mol qilish (haftada bir necha marta) saraton rivojlanish ehtimolini kamaytirish bilan bog‘liq. Biroq, ushbu foydali ta’sirlarning mexanizmlari haqida ma’lumot yo‘qligi sababli, bu natijalar cheklangan statistik ahamiyatga ega bo‘lgan.

Olimlar brokkoli iste’mol qilishning terapevtik ta’sirini bu mahsulotda sulforafan va mirozinaza kabi kuchli antioksidantlarning mavjudligi bilan izohladilar. Antioksidantlar tana hujayralarini shikastlanishdan himoya qiluvchi va umumiy yallig‘lanishning oldini oladigan molekulalardir.