Olmaota–Xorgos yo‘lida 17 mashina ishtirokida YTH sodir bo‘ldi (video)
Qozog‘istonning Olmaota viloyatida, Olmaota–Xorgos yo‘lida 17 mashina ishtirokida YTH sodir bo‘ldi.
Video olinayotgan paytda birin-ketin katta tezlikda kelayotgan mashinalar to‘qnashayotganini ko‘rish mumkin. Ushbu hodisa «Instagram»da e’lon qilindi.
Viloyat politsiya departamenti «Zakon.kz»ning so‘roviga quyidagicha ma’lumot bergan.
«25-dekabr kuni soat 10:00 atrofida quyuq tuman ko‘rinishidagi noqulay ob-havo tufayli Olmaota–Xorgos yo‘lining 134-kilometrida 17 mashina ishtirokida yo‘l-transport hodisasi sodir bo‘lgan.
Hodisa oqibatida jabrlangan besh kishi shifoxonaga jo‘natilgan.
Voqea joyida politsiya patruli xizmatni davom ettiryapti. Avtoyo‘lning 84–136 kilometri harakatlanish uchun yopildi».
Politsiya haydovchilarni hushyorlikka chorlab, tezlik, xavfsiz masofa va mashinani boshqarish qoidalariga rioya qilishga chaqirgan.
Posmotret etu publikatsiyu v Instagram
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter