Saudiya Arabistonini Ukraina bo‘yicha tinchlik muzokaralari uchun qulay joy deb hisoblash mumkin, yagona savol muzokara uchun sharoit topishdir, dedi Rossiya prezidenti Vladimir Putin.

U bu haqda BRIKSga a’zo davlatlar OAVlari bilan uchrashuvda gapirdi, deb yozadi «TASS».

Putin Rossiya Saudiya Arabistoniga do‘st davlat sifatida qarashini ta’kidladi.

«Men qirol va valiahd shahzoda bilan juda do‘stona munosabatdaman», dedi u.

Putinning so‘zlariga ko‘ra, Saudiya Arabistonining bu yo‘nalishdagi sa’y-harakatlarining samimiyligiga shubha qilish uchun zarracha asos yo‘q.

«Agar Saudiya Arabistonida bunday tadbirlar tashkil etilsa, albatta, bu joyning o‘zi biz uchun ancha qulay. Bu muammo emas. Gap nimani muhokama qilishda, – dedi davlat rahbari.

18-oktyabr kuni Putin BRIKSga a’zo mamlakatlarning ommaviy axborot vositalari rahbarlari bilan uchrashdi. Tadbir Qozon shahrida 22-24-oktyabr kunlari bo‘lib o‘tadigan sammit arafasida bo‘lib o‘tadi. 2024-yilda Rossiya BRIKSga raislik qiladi, bo‘lajak sammit tashkilotning yangi a’zolari - Misr, Eron, BAA, Saudiya Arabistoni va Efiopiya ishtirok etadigan birinchi sammit bo‘ladi.