Qondagi shakar miqdorini tartibga soluvchi foydali meva nomi aytildi
![Qondagi shakar miqdorini tartibga soluvchi foydali meva nomi aytildi](http://static.xabar.uz/crop/1/6/720_460_95_1674185619.jpg)
Yashil banan tarkibidagi kraxmal va pektin qondagi glyukoza darajasini normallashtirishga yordam beradi va sizni uzoq vaqt davomida to‘q yurishingizga sabab bo‘ladi. Bu haqda avstraliyalik diyetolog Syuzi Burrel Daily Mail nashriga ma’lum qildi.
Shifokorning tushuntirishicha, pishmagan, yashil bananlarda to‘liq pishganidan ko‘ra kamroq shakar mavjud. Ular shuningdek, ko‘proq chidamli kraxmalni o‘z ichiga oladi. Bu oshqozon osti bezi fermentlari tomonidan parchalanmaydigan kraxmal. U katta ichakdagi foydali bakteriyalar tomonidan qayta ishlanadi.
Diyetologning so‘zlariga ko‘ra, chidamli kraxmal tola (o‘simlik xun tolasi) kabi ishlaydi - u oshqozonni to‘ldiradi, to‘liqlik tuyg‘usini oshiradi, yo‘g‘on ichak va to‘g‘ri ichakda qon oqimini tezlashtiradi, ozuqa moddalarining aylanishini yaxshilaydi va patogen bakteriyalarning ko‘payishiga sabab bo‘ladi.
Yashil bananlar shuningdek, mevaning strukturaviy shaklini saqlab qolishga yordam beradigan murakkab uglevod bo‘lgan pektinning boy manbaidir. Chidamli kraxmal va pektin birikmasi nafaqat normal hazm bo‘lishiga yordam beradi, balki qon shakar darajasini normallashtirishga yordam beradi. Gap shundaki, bu oziq-ovqat komponentlari sekinroq hazm qilinadi va iste’mol qilingandan so‘ng darhol glyukoza darajasining keskin ko‘tarilishiga olib kelmaydi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter