Qozog‘istondagi tartibsizliklar davlatga qancha zarar yetkazgani aytildi
Qozog‘istondagi ommaviy va qurolli tartibsizliklar oqibatida davlat budjetiga taxminan 2-3 mlrd. dollar miqdorida zarar yetkazildi. Bu haqda prezident To‘qayev aytib o‘tdi.
Bugun Qosim-Jo‘mart To‘qayev videokonferensaloqa shaklida Yevropa kengashi prezidenti Sharl Mishel bilan gaplashdi. Uchrashuv Yevropa tomoni tashabbusi bilan tashkil etilgani aytilgan.
Uchrashuvda To‘qayev mamlakatdagi umumiy holat va oqibatlar haqida batafsil ma’lumot bergan. Uning aytishicha, terrorchi va bosqinchilar konstitutsion tuzumni ag‘darish va davlat to‘ntarishi qilishga urinishgan.
Ma’lum qilinishicha, tartibsizliklar oqibatida 1300 ga yaqin tadbirkorlik ob’yektlari, 100 dan ortiq savdo markazlari va banklar jiddiy zarar ko‘rgan, 500 ga yaqin mashina yoqib yuborilgan, huquqni himoya qilish organlari va tinch aholi o‘rtasida ko‘plab qurbonlar kuzatilgan.
Uchrashuvda To‘qayev xalqaro majburiyatlarga amal qilinishi va Yevropa ittifoqi bilan hamkorlik davom etishini bildirgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter