«Real» Mbappeni sotib olishga tayyor. Qancha to‘lamoqchi?
«Real Madrid» rahbariyati «Pari Sen-Jermen» va Fransiya terma jamoasi hujumchisi Kilian Mbappeni sotib olish fikridan hamon qaytmagan. Yozgi transfer oynasida o‘zaro bitim imzolanishi mumkin.
Abc.es yozishicha, madridliklar Mbappe uchun «PSJ»ga 220 million yevro to‘lashga rozi.
Mbappe o‘tgan yozda, parijliklar bilan shartnomasi muddati tugaganidan so‘ng, «Real»ga o‘tishga yaqin edi. O‘shanda ham ispanlar uni qo‘lga kiritish uchun jon-jahdlari bilan kurashayotgan, biroq yakunda Mbappe Parijda qolishni ixtiyor qilgandi.
Mbappening «PSJ» bilan hozirgi shartnomasi 2025-yilning 30-iyunigacha tuzilgan. Transfermarkt portali uni 180 million yevroga baholamoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter