Vazirlar Mahkamasining tegishli qarorlari bilan 5 ta OTMda tayinlovlar amalga oshirildi.

Unga ko‘ra:

Sherzod Ne’matov Qarshi davlat texnika universiteti rektori etib tayinlandi. U bunga qadar Shahrisabz davlat pedagogika instituti rektori edi.

Batirbek Kaipbergenov Nukus davlat texnika universiteti rektori lavozimiga tayinlandi. Bungacha u Qoraqalpog‘iston Respublikasi Oliy ta’lim, fan va innovatsiyalar vaziri lavozimida ishlagan.

Dilnoza Xo‘jayeva Qo‘qon davlat universiteti rektori etib tayinlandi. Bungacha u Qo‘qon davlat pedagogika instituti rektori lavozimida ishlagan.

Bahrom To‘laganov Toshkent arxitektura-qurilish universiteti rektori etib tayinlandi. Bungacha u Toshkent arxitektura-qurilish universiteti Strategik rivojlantirish bo‘yicha birinchi prorektori lavozimida ishlagan.

Sadoqat G‘afforovna Siddiqova Buxoro davlat texnika universiteti rektori etib tayinlandi.

S.Siddiqova bungacha Buxoro muhandislik-texnologiya instituti rektori lavozimida ishlagan.