Rossiya mehnat muhojirlari uchun yana bir taqiq joriy qilmoqchi
![Rossiya mehnat muhojirlari uchun yana bir taqiq joriy qilmoqchi](http://static.xabar.uz/crop/6/0/720_460_95_601227876.jpg)
LDPR fraksiyasidagi Davlat dumasi deputatlari guruhi parlament quyi palatasiga Rossiya fuqaroligi bo‘lmagan mehnat muhojirlariga o‘z oilalarini mamlakatga olib kirish huquqini taqiqlovchi qonun loyihasini kiritadi. Bu haqda «RIA Novosti» xabar bermoqda.
Loyiha mualliflarining qayd etishicha, agar qonun qabul qilinsa, muhojirlar uchun mehnat shartnomasi yoki patentning mavjudligi uning oilasini mamlakatga ko‘chirish uchun asos bo‘lmay qoladi.
Iyul oyi o‘rtalarida Davlat Dumasi spikeri Vyacheslav Volodin muhojirlar ustidan nazorat kuchaytirilishini e’lon qilgandi. Unga ko‘ra, migratsiya nazoratini tartibga solish, chet el fuqarolarining huquqiy maqomini belgilash, shuningdek, fuqarolikka qabul qilish bilan bog‘liq masalalarga qaratilgan 25 ta qonun loyihasi parlament quyi palatasi tomonidan ko‘rib chiqilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter