Rossiya «Microsoft»ga tegishli IP-manzillarni bloklashga o‘tdi
«Roskomnadzor» «Microsoft»ga tegishli «Azure» bulutli xostingidagi bir necha o‘n ming IP-manzillarni taqiqlangan saytlar reyestriga kiritdi, deb xabar beradi «NV.ua».
«Roskomnadzor» 131 mingta IP-manzil o‘rin olgan 51.136.0.0/15 tarmog‘ini bloklashni buyurdi. IP-manzillarning rasmiy ro‘yxatidada «Azure» data markazi — 51.136.0.0/17 ham o‘rin olgan («Roskomnadzor» tomonidan bloklangan diapazonga kiruvchi 32 ming manzil). Reyestrga kiritilgan qolgan manzillar ham «Microsoft»ga tegishli.
«Azure» platformasidan ma’lumotlarni saqlash, onlayn-loyihalar va dasturiy ta’minot bilan ishlash algoritmlarida qo‘llaniladi.
Eslatib o‘tamiz, «Roskomnadzor» «Telegram» messenjerini bloklashga urinishi ortidan Rossiyadagi ko‘plab saytlarni ishdan chiqarib qo‘ymoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter