Favqulodda vaziyatlar vazirligining tezkor raqamiga fuqaro S.Gaibova tomonidan kelini Yu.Sergeyevaning Rossiya Federatsiyasi Sankt-Peterburg shahrida vafot etgani va uning jasadini O‘zbekiston Respublikasiga olib kelishda amaliy yordam so‘rab murojaat qilgan. Ushbu holat yuzasidan tegishli vazirlik va idoralarga ma’lumot yetkazildi, Rossiya hamda O‘zbekiston hududlarida bir qator tadbirlar amalga oshirildi.

O‘zbekiston Respublikasi Favqulodda vaziyatlar vazirligi «O‘zbekiston havo yo‘llari» milliy aviakompaniyasi hamda Toshkent viloyati hokimligining birgalikda amalga oshirgan tashkiliy tadbirlar natijasida marhumning jasadi Rossiya federatsiyasidan olib kelindi.

«O‘zbekiston havo yo‘llari» milliy aviakompaniyasi bortida marhum Yu.Sergeyevaning jasadi Rossiya Federatsiyasining Sankt-Peterburg shahridan Toshkent shahriga olib kelindi.

Sog‘liqni saqlash vazirligining maxsus avtomashinasida jasad xalqaro aeroportdan Toshkent viloyatining Yangiyo‘l tumaniga, yaqin qarindoshlariga yetkazildi.

Dafn marosimlari mahalliy hokimlik organlari bilan birgalikda tashkillashtirildi.