Samarqandda piyodani urib yuborib, qochib ketgan «Nexia» haydovchisi ushlandi
Ijtimoiy tarmoqlarda «Samarqandda piyodani Neksiya urib ketdi, natijada Kobalt haydovchisi yerda yotgan fuqaroni ko‘rmasdan ustidan bosib o‘tib ketdi» nomli video tarqalib, muhokamalarga sabab bo‘lgandi.
Holatga Samarqand viloyati IIB axborot xizmati oydinlik kiritdi.
Aytilishicha, 2022-yilning 6-mart kuni, soat 23:55 lar atrofida «Nexia» avtomashinasi Samarqand shahrining Firdavsiy ko‘chasida yo‘lni kesib o‘tayotgan piyodani urib yuborgan. Haydovchi to‘xtamasdan, voqea joyidan ketib qolgan. «Nexia» ortidan harakatlanib kelayotgan «Cobalt» avtomashinasi piyodaning ustidan bosib ketgan.
Tan jarohati olgan piyoda RShTYoIM Samarqand filialiga yotqizilgan.
Olib borilgan tadbirlar natijasida «Nexia» haydovchisi ushlandi. U 1999-yilda tug‘ilgan A.Sh. ekani aniqlandi, deyiladi xabarda.
Holat yuzasidan tergovga qadar tekshiruv harakatlari olib borilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter