2026-yilning kuzidan boshlab Shvetsiya o‘quvchilar uchun xavfsizlik va o‘qish sharoitlarini yaxshilash maqsadida barcha maktablarda butun mamlakat bo‘ylab mobil telefonni taqiqlashni amalga oshiradi, deb xabar bermoqda «Guardian» nashri.  

7 yoshdan 16 yoshgacha bo‘lgan bolalar uchun ishlab chiqilgan yangi qoida barcha maktablarda va to‘garaklarda o‘quvchilarning telefonlari yig‘ib olinadi va darslar tugagach bolalarga qaytarib berish mumkin bo‘ladi.

Joriy yilning boshida Daniya hukumat komissiyasi tavsiyasiga ko‘ra, maktablar va maktabdan tashqari bolalar maskanlar mobil telefonlardan foydalanishni taqiqlashini ma’lum qilgandi, ularning fikricha, 13 yoshgacha bo‘lgan bolalar o‘z smartfoni yoki planshetiga ega bo‘lmasligi kerak. Norvegiya o‘tgan yili ijtimoiy tarmoqlardan foydalanishda qat’iy 15 yoshni e’lon qildi, chunki hukumat texnologiya kompaniyalarini «kichik bolalar miyasiga qarshi kurashda» aybladi.

2024-yil yanvar oyida deyarli barcha Gollandiya maktablarida smartfonlar taqiqlandi va tadqiqotlar o‘quv muhitida yaxshilanishlarni aniqladi. So‘rovda qatnashgan o‘rta maktablarning katta qismi (75%) bolalar diqqatini jamlashni osonlashtirayotganini, 28 foizi esa natijalar yaxshilanganini aytdi.

Fransiya esa sentyabr oyida o‘rta maktablarda mobil telefonlarni taqiqlashni kuchaytirdi.