Shved maktabidagi otishmada 10 ga yaqin kishi halok bo‘ldi
Shvetsiyadagi maktabdagi otishmada o‘nga yaqin odam halok bo‘ldi, qurbonlar soni yana oshishi mumkin. Bu haqda mahalliy politsiya okrugi rahbari Roberto Ade Forest ma’lum qildi.
Qurbonlarning shaxsi aniqlanmoqda, marhumlardan biri otishmani uyushtirgan shaxs, u o‘z joniga qasd qilgan, deya aniqlik kiritdi Forest.
Politsiya uning yolg‘iz harakat qilganini qayd etmoqda.
Otishma Stokgolmdan 200 kilometr g‘arbda joylashgan Orebro shahri chekkasidagi Campus Risbergska kattalar ta’lim markazida 4 fevral kuni tushdan keyin sodir bo‘ldi.
Markaz o‘quvchilari asosan 20 yoshdan oshgan shaxslar, ammo ular boshlang‘ich va o‘rta maktab ta’limini oladilar, shuningdek, aqliy zaif odamlar uchun ham darslar olib boriladi.
Bundan tashqari, ta’lim muassasasi migrantlar uchun shved tili kurslarini taklif etadi. Bu yerda jami 2000 ga yaqin odam tahsil oladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter