O‘zbekiston bo‘yicha 2024 yil 20 fevralga qadar ob-havo prognozi taqdim etildi.

O‘zbekiston hududiga o‘tgan kuni kechasi sovuq havo massalari kirib kelishi boshlandi.

Qoraqalpog‘iston Respublikasi, Xorazm viloyatida va respublikaning cho‘l hududlarida shamol tezligi 17-22 m/s gacha kuchaydi, ba’zi joylarda shamol kuchayishi 28 m/s ga yetdi. Qoraqalpog‘iston Respublikasi va Navoiy viloyati shimolida havo harorati  11-17 sovuqqacha pasaydi.

So‘ng sovuq havo massalari respublikaning barcha hududlarini qamrab oldi.

Shanba va yakshanba kunlari kechalari harorat 3-8 daraja sovuqqacha pasayadi, kunduz kunlari 3 daraja sovuq, 2 daraja iliq atrofida, ba’zi joylarda 5 darajagacha iliqqacha bo‘ladi. Shimolda harorat kechalari 11-16 daraja sovuq, kunduzi 3-8 daraja sovuq bo‘ladi.

Dam olish kunlari Buxoro, Navoiy, Samarqand, Jizzax, Qashqadaryo, Surxondaryo viloyatlarida asosan qor ko‘rinishidagi yog‘ingarchilik bo‘ladi.

Shamol shimoli-sharqdan 7-12 m/s tezlikda esadi, 16-17 fevralda ba’zi joylarda 15-20 m/s gacha kuchayadi, ayrim joylarda ba’zida 25-28 m/s gacha kuchayishi mumkin.

Yo‘llarda ba’zi joylarda yaxmalak kuzatiladi.

19-20 fevralda ba’zi joylarda biroz qor yog‘adi. Shimolda kechasi 11-16° sovuq, kunduzi 0-5° sovuq bo‘ladi. Boshqa hududlarda harorat kechasi 3-8° sovuq, kunduzi 0-5° iliq atrofida bo‘ladi.

Demak, sovuq qutbiy antitsiklon ta’siri respublikada uzoqroq davom etadi.