Tailand Konstitutsiyaviy sudi bosh vazir Fetongtan Chinavatni axloq qoidalarini buzganlikda aybdor deb topdi. U lavozimidan chetlatildi, deb xabar beradi Bangkok Post. 

Sud qarori shuni ko‘rsatadiki, Chinavat xonim Kambodja Senati raisi Xun Sen bilan telefon suhbatida Tailand harbiy okrugi qo‘mondonini tanqid qilgan. Suhbat Tailand va Kambodja o‘rtasida 24-iyulda boshlangan va besh kun davom etgan qurolli mojarodan bir necha hafta oldin bo‘lib o‘tgan. Chinavat xonim ma’lumotlar sizib chiqqani uchun uzr so‘radi va urushning oldini olishga harakat qilganini aytdi. 

Darhaqiqat, Chinavat 1-iyuldan beri bosh vazir vazifasini bajarmaydi. Keyin u tergovgacha lavozimidan chetlashtirildi. Nashrning qayd etishicha, bu Tailand bosh vaziri sud qarori bilan 17 yil ichida beshinchi marta o‘z lavozimidan chetlatilishidir. 

Endi parlament yangi bosh vazirni saylashi kerak. Bu vaqt ichida hukumat rahbari vazifasini bosh vazir o‘rinbosari lavozimida ishlagan Phumtham Vechayachai bajaradi. Saylov kunlari aniqlanmagan. Bu lavozimga besh kishi, jumladan Tailandning sobiq bosh vaziri Prayut Chanocha, sobiq bosh vazir o‘rinbosari Anutin Charnvirakul va sobiq bosh prokuror Chaykasem Nitisiri da’vogarlik qilmoqda.