«Toshkent-Shahrisabz-Toshkent» yo‘nalishida «Afrosiyob» poyezdi qatnovi qo‘yiladi
Yo‘lovchilarga transport xizmatlar ko‘rsatish ko‘lamini yanada oshirish maqsadida 2022-yil 7, 8 may sanasidan boshlab, haftaning shanba va yakshanba kunlari «Toshkent-Shahrisabz-Toshkent» yo‘nalishida 758/757-sonli yuqori tezlikda harakatlanuvchi «Afrosiyob» zamonaviy poyezdlari qatnovi yo‘lga qo‘yiladi.
Harakat jadvaliga ko‘ra «Toshkent- Shahrisabz» yo‘nalishida qatnaydigan 758-sonli «Afrosiyob» zamonaviy poyezdi shanba va yakshanba kunlari soat 08:00 da Toshkent markaziy vokzalidan;
«Shahrisabz-Toshkent» yo‘nalishida qatnaydigan 757-sonli «Afrosiyob» zamonaviy poyezdi esa Shahrisabz temir yo‘l vokzalidan soat 15:40 da harakatini boshlaydi.
Shu bois, 2022 yil 7, 8 may sanasidan boshlab, bugungi kunda «Toshkent-Qarshi-Toshkent» yo‘nalishida harakatlanayotgan 760/759-sonli «Afrosiyob» zamonaviy poyezdlarining har shanba, yakshanba kunlari qatnovi to‘xtatiladi.
Eslatib o‘tamiz, kuni kecha noqulay ob-havo sabab Farg‘ona vodiysiga poyezd qatnovi to‘xtatilgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter