Har qanday mamlakatning kelajagi har tomonlama barkamol,  ma’rifatli va zamonaviy bilimlarni mukammal egallagan yoshlar bilan bog‘liq.

Yurtimizda ta’lim sohasida amalga oshirilayotgan islohotlar, chiqarilayotgan qonun va qarorlar mazkur sohani yanada rivojlantirishga qaratilganligi bilan ahamiyatlidir. Bu borada O‘zbekiston Respublikasi Prezidentining 2018 yil 5-iyundagi “Oliy ta’lim muassasalarida ta’lim sifatini oshirish va ularning mamlakatda amalga oshirilayotgan keng qamrovli islohotlarda faol ishtirokini ta’minlash bo‘yicha qo‘shimcha chora-tadbirlar to‘g‘risida” gi PQ-3775 sonli qarorida oliy ta’lim muassasalari uchun dolzarb vazifalarni belgilab berildi. Ayniqsa, mazkur qarorda hududlarda yangi oliy ta’lim muassasalarining tashkil etilishi, kadrlar tayyorlashning zamonaviy ta’lim yo‘nalishlari va mutaxassisliklari hamda sirtqi va kechki bo‘limlarning ochilishi, oliy ta’lim muassasalariga qabul kvotalarining oshirilishi mazkur yo‘nalishdagi muhim islohotlar sifatida ko‘rsatib o‘tilgan.

Shuni alohida ta’kidlash zarurki, O‘zbekiston Respublikasi Prezidentining 2017 yil 27 iyuldagi PQ-3152 sonli qarori asosida tashkil etilgan Toshkent viloyati Chirchiq davlat pedagogika institutida maktabgacha ta’lim tizimini yanada takomillashtirish, bolalarni maktabga tayyorlash darajasini tubdan yaxshilash, ta’lim-tarbiya jarayoniga zamonaviy ta’lim dasturlarini tatbiq etish, yoshlarni har tomonlama intellektual, axloqiy, estetik va jismoniy qobiliyatlarini rivojlantirish borasida ta’lim muassasalarini malakali pedagog kadrlar bilan ta’minlash yo‘nalishlarida ishlar boshlangan.

2018-2019 o‘quv yilida 21 ta bakalar ta’lim yo‘nalishining kunduzgi ta’lim shakliga jami 1155 nafar shuningdek, 7 ta maxsus sirtqi ta’lim yo‘nalishlariga jami 690 nafar talaba qabul qilish rejalashtirilgan.

Hozirgi paytda institutning kunduzgi va maxsus sirtqi ta’lim yo‘nalishlarida jami 1738 nafar  talaba tahsil olmoqda. Institut jamoasining 47%ini ilmiy darajaga ega hodimlar tashkil etadi. Fanlar bo‘yicha yangi avlod o‘quv adabiyotlari, ilmiy-metodik ishlanmalar yetarli darajada ta’minlangan. Joriy yilda kapital ta’mirlanib topshirilgan Bosh o‘quv binoda 3 ta laboratoriya, 144 o‘rinli faollar zali, sport zali hamda o‘quv xonalari zamon talablari darajasida jihozlandi.

2018-2019 o‘quv yilida Toshkent viloyati Chirchiq davlat pedagogika instituti kunduzgi bo‘limiga quyidagi yo‘nalishlar bo‘yicha qabul boshlangan:

O‘zbekiston Respublikasi Prezidentining 2017 yil 27 iyuldagi «Toshkent viloyatida sanoat ishlab chiqarish sohasi uchun muhandis-texnik kadrlar tayyorlash tizimini takomillashtirish chora-tadbirlari to‘g‘risida»gi hamda 2017 yil 9 avgustdagi «Oliy ta’lim muassasalarida pedagogika yo‘nalishida maxsus sirtqi bo‘limlarni tashkil etish to‘g‘risida» qarorlari asosida oliy ta’lim muassasasida bakalavriat ta’lim yo‘nalishlari bo‘yicha sirtqi (maxsus sirtqi) ta’limni (keyingi o‘rinlarda sirtqi (maxsus sirtqi) ta’lim deb ataladi) tashkil etish tartibini belgilaydi.

2018-2019 o‘quv yilida Toshkent viloyati Chirchiq davlat pedagogika instituti maxsus sirtqi bo‘limiga quyidagi yo‘nalishlar bo‘yicha qabul boshlangan: