Toshkent viloyatida haydovchi boshqaruvni yo‘qotib, «Neksiya» bilan zovurga tushib ketdi
Kecha, 22-mart kuni Toshkent viloyatining Yuqorichirchiq tumanida yashovchi D.T. o‘z boshqaruvidagi «Neksiya» rusumli avtomashinani «Yangibozor-Istiqlol» yo‘lida haydab ketayotib, boshqaruvni eplay olmay yo‘l chetidagi zovurga ag‘darilib ketgan.
Natijada avtomashina yo‘lovchisi S.A. jarohat olib, voqea joyida vafot etgan. Haydovchi hamda yana 2 nafar yo‘lovchi — E.G. va A.N.lar jarohat olib kasalxonaga yotqizilganlar.
Holat yuzasidan dastlabki tergovoldi harakatlari olib borilmoqda, deb xabar berdi IIV Jamoatchilik va ommaviy axborot vositalari bilan aloqalar boshqarmasi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter