Toshkent xalqaro aeroportidagi estakadaga chiqish cheklanyapti
Bugun, 8-dekabr soat 12:00 dan boshlab Toshkent xalqaro aeroportidagi yo‘l o‘tkazgich (estakada)ga chiqish cheklanadi.
«Uzbekistan Airports» kompaniyasi bu aeroportda boshlangan rekonstruksiya ishlari bilan bog‘liq ekanini ma’lum qilgan.
Qayd etilishicha, avtotransport vositalari va turistik avtobuslarning kirishi uchun xalqaro terminal avtoturargohi yonida alohida yo‘lovchi tushirish yo‘lagi tashkil etiladi.
«Shuningdek, terminalda rekonstruksiya ishlari olib borilishi munosabati bilan Toshkent xalqaro ayeroportining uchib ketish zaliga kuzatuvchilarning kirishi vaqtincha cheklanadi», – deyiladi kompaniya xabarida.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter