Toshkentda yo‘lovchi tashuvchi avtobusda yong‘in chiqdi
Joriy yilning 22-dekabr kuni soat 14:50 larda, Toshkent shahar, Yakkasaroy tumani, Bobur ko‘chasida, haydovchi, 1991-yilda tug‘ilgan Z.S. 12-sonli avtobus saroyiga tegishli bo‘lgan, 01 159 FCA davlat raqam belgili, yo‘lovchi tashuvchi avtobusni 47-yo‘nalishda boshqarib ketayotgan vaqtida, avtobusning dvigatel qismida yong‘in yuzaga kelgan.
IIV YHXBB axborot xizmati xabariga ko‘ra, yong‘in o‘t o‘chiruvchilar tomonidan bartaraf etilgan. Yong‘in natijasida tan jarohati olganlar yo‘q.
Mazkur hodisa yuzasidan Toshkent shahar IIBB YHXB va FVB xodimlari tomonidan surishtiruv ishlari olib borilib, yong‘in yuzaga kelish sabablariga aniqlik kiritilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter