AQSh prezidenti Donald Tramp 2026 yilda BMT organlariga, jumladan, JSST va YuNESKOga to‘lanadigan badallarning katta qismini to‘xtatishni taklif qilmoqda. 

 “Budjetda BMT va boshqa tinchlikparvarlik missiyalarning samarasiz bo‘lishi uchun mablag‘ ajratilmaydi”, — deyiladi hujjatda. Bu BMT, YuNESKO va JSSTga majburiy va barcha ixtiyoriy badallarni o‘z ichiga oladi. 

Tushuntirish xatida aytilishicha, Qo‘shma Shtatlar ilgari xalqaro tinchlikparvar operatsiyalarga katta hissa qo‘shgan, ammo bu endi mamlakat manfaatlariga to‘g‘ri kelmaydi. Budjet xarajatlarini qisqartirishning umumiy miqdori 1 milliard 614 million dollarni tashkil etadi. 

Fevral oyida Donald Tramp AQSh ishtirokini qayta baholash bo‘yicha farmonni imzoladi. U, shuningdek, Birlashgan Millatlar Tashkilotining Yaqin Sharqdagi Falastinlik Qochqinlarga yordam va Ishlar Agentligi (UNWPA)ni moliyalashtirishni butunlay to‘xtatish va Qo‘shma Shtatlarning ushbu tashkilot va BMT Inson Huquqlari Kengashidan chiqishi haqidagi farmonni imzoladi.

 Trampning aytishicha, guruhlar Amerikaga qarshi kayfiyat va “Isroilga qarshi tarafkashlik”ni tarqatmoqda.