Rossiya prezidenti Vladimir Putin va AQSh rahbari Donald Tramp Ukraina muammosini yana muhokama qilishdi: telefon qo‘ng‘irog‘i haqida nimalar ma’lum? 

Bugun Vladimir Putin va Donald Tramp o‘rtasida deyarli bir soat davom etgan telefon suhbati bo‘lib o‘tdi. Rossiya prezidenti yordamchisi Yuriy Ushakovning so‘zlariga ko‘ra, muhokamada asosiy xalqaro muammolar, jumladan, Ukraina, Yaqin Sharq va ikki tomonlama munosabatlar istiqbollari muhokama qilindi. 

Suhbatning asosiy mavzusi Ukrainadagi vaziyat bo‘ldi. Tramp harbiy harakatlarni imkon qadar tezroq to‘xtatish zarurligi masalasini yana ko‘tardi. Bunga javoban Putin Rossiya mojaroga siyosiy va diplomatik yechim izlashda davom etishini, ammo barcha maqsadlariga erishishini ta’kidladi. 

Prezidentlar Suriya, Eron va umuman Yaqin Sharqdagi vaziyatni ham muhokama qildilar. Ikki davlat rahbarlarining shaxsiy uchrashuvi mavzusi hozircha rasman ko‘tarilgani yo‘q, biroq, Ushakovning so‘zlariga ko‘ra, “bu g‘oya havoda turibdi”. 

Istanbuldagi uchinchi davra muzokaralarining aniq sanalari muhokama qilinmadi.

Geosiyosiy vaziyat bo‘yicha aniq kelishuvga erishilmagan. 

Eslatib o‘tamiz, Donald Tramp saylangandan buyon Putin bilan faol telefon muloqoti qilib kelmoqda.