Urganchdagi xalqaro aeroport vaqtincha yopilyapti
![Urganchdagi xalqaro aeroport vaqtincha yopilyapti](http://static.xabar.uz/crop/6/7/720_460_95_676098227.jpg)
Urganch xalqaro aeroporti joriy yil 20-iyuldan 7-avgustgacha (o‘sha kuni ham) vaqtincha faoliyatini to‘xtatdi. Bunga uchish-qo‘nish yo‘lagida olib boriladigan kapital ta’mirlash ishlari sabab bo‘lgan.
«Uchish-qo‘nish yo‘lagining uzoq muddatdan beri ishlashi hamda havo kemalarining qo‘nishi va uchishi xavfsizligini ta’minlash maqsadida kapital qurilish va ta’mirlash ishlari olib boriladi. Xususan, uzunligi 3000 m va eni 16 m bo‘lgan uchish-qo‘nish yo‘lagi yuzasini butunlay almashtirish va mustahkamlash rejalashtirilgan.
Shuningdek, ikkinchi va uchinchi yurish yo‘laklari kapital ta’mirlanadi», – deyiladi rasmiy xabarda.
Qayd etilishicha, Urganch aeroportining uchish-qo‘nish yo‘lagi kapital ta’mirdan so‘ng Boeing 787 va Airbus A330 kabi keng fyuzelyajli samolyotlarni cheklovlarsiz qabul qila oladi.
Urganch shahridagi uchish-qo‘nish yo‘lagini kapital rekonstruksiya qilish oxirgi marta 1997-yilda, shikastlangan qismlarini qisman ta’mirlash esa 2018-yilda amalga oshirilgan.
Rekonstruksiya davrida barcha rejalashtirilgan reyslar Nukus xalqaro aeroportiga yo‘naltiriladi. Yo‘lovchilar esa Nukus va Urganch aeroportlari o‘rtasida transferlar bilan ta’minlanadi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter