Urush bilan bog‘liq eng sara aforizmlarni e’tiboringizga taqdim etamiz. Ular shoir, yozuvchi, sarkarda va boshqa davlat arboblari tilidan aytilgan. 

Dushmanlar bilan bir qabrda yotgandan ko‘ra, ular bilan muzokaralar stolida o‘tirganing afzal.

Boris Kriger

Urush – sarguzasht emas. Urush – kasallik. Terlama kabi.

Antuan de Sent Ekzyuperi

Urush inson va tabiat ustidan qilingan ulkan haqoratlardan biridir.

Vladimir Mayakovskiy

Urush xalqlar uchun – ko‘z yoshlar va qon, bu – bevalar va boshpanasizlar, bu – to‘zitilgan kulba, o‘ldirilgan yoshlik va tahqirlangan keksalikdir.

Ilya Erenburg

Urushlar – shuhrati olamga yoyilgan yovuzlik

Seneka

Urushdan so‘ng g‘alaba, g‘alabadan so‘ng – taqsimot, ana shunda urushganlardan ko‘ra g‘oliblarning ko‘pligi ayon bo‘ladi. Urushning taomili shunday.

Urash g‘olibni ahmoqqa, mag‘lubni vahshiyga aylantiradi.

F.Nitsshe

Urushni eng tez yakunlashning yo‘li – mag‘lubiyatga uchrashdir.

J.Oruell

Urushni xohlaganda boshlaydilar, biroq qo‘llaridan kelganida tugatadilar.

Ya.Makiavelli

Urushlar onalarning la’natlaridir.

Kvint Goratsiy

Men urushni jirkanch deb hisoblayman, ammo kamina uchun yanada jirkanchlisi – o‘zi urushda qatnashmay, uni doston qiladiganlardir.

Romen Rollan

Urush pullardan oziqlanadi, urush qondan shodlanadi – bizgacha ham shunday bo‘lgan.

Danilo Tuptalo

Urush – g‘alaba sari eltadigan turkum halokatlardir.

Jorj Klemanso

Urush – tinch qo‘shniga hamla qilingan vahshiylik, biroq vatanni himoya qilganda, bu – muqaddas burchdir.

Gi de Mopassan

Tinch-osuda paytda o‘g‘illar otasini dafn etadi, urush vaqtida esa otalar o‘g‘illarini ko‘madi.

Frensis Bekon

Faqat oxirgi askar ko‘milsa, urush tugagan bo‘ladi.

Aleksandr Suvorov

Urush haqiqat va insoniylikni rad etishdir. Gap faqat odamlarni o‘ldirishda emas, ular u yo yoki bu tarzda baribir o‘ladi, balki ongli va qat’iy ravishda nafrat va yolg‘onni insonlarga tarqatishdir.

Javoharla’l Neru

Urush – kuchlining ojiz ustidan hukmronlik qilishi uchun tabiiy huquqni amalga oshirishidir.

Benedikt Spinoza

Urush, bu – bo‘ri va u eshigingiz oldiga kelishi mumkin.

Bernard Shou

Dunyodagi barcha urushlar – fuqarolik urushlaridir: odam odamning qonini to‘kadi.

Fransua Fenelon

Urush yakun topganda panadan qahramonlar chiqib keladi.

Yu.Bulatovich

Urush – xalqlarning ojizligi va ahmoqligi mevasidir.

Romen Rollan

Urushda yoshlikning halok bo‘lishi – yil fasllaridan bahorni yulqib olish degani.

Perikl

Harbiy jinoyat nima ekanligini faqat g‘oliblar hal qiladi.

G.Uille

Urushda g‘alaba qozonishdan ko‘ra, urushga yo‘l qo‘ymaslik qiyinroq.

Urush – bashariyatga qarshi jinoyat bo‘lib, uning ijrochilari va buyurtmachilari mavjud.

Konstantin Kushner

Xalqlar bir-biri bilan yoqavayron bo‘lsa, bu urush deb nomlanadi.

Kozma Prutkov

Urush, bu – gohida eng yaxshi odamlar mag‘lubiyatga duchor bo‘ladigan o‘yindir.

M.Kemal

Agar askarlarimiz bizning nima uchun urush qilayotganizni anglaganida edi, birorta ham urush bo‘lmasdi.

Buyuk Fridrix

Har qanday urush dastlabki bir oy mobaynida mashhurdir.

Artur Shlezinger

Men aminmanki, avvalgi urushlarning xatosi takrorlanmaydi, chunki biz talay yangi xatolarga qo‘l uramiz.

Urush, bu – katta ehtimolga ko‘ra, qo‘pol xatolarning katalogidir.

Uinston Cherchill

Urushning nima ekanligini haqiqatda murdalar biladi: faqat ular hammasini oxirigacha anglab yetgan.

Erix Mariya Remark

Zilzilani bartaraf etib bo‘lmaganidek, urushda ham yutish mumkin emas.

Jannet Rankin

Urushni harbiylar boshlamaydi. Urushni siyosatchilar boshlaydi.

Uilyam Uestmorland

Bu urush urushlarga yakun yasaydi. Keyingisi ham.

Devid Lloyd Jorj

Urushning birinchi qurboni haqiqat bo‘ladi.

X.Jonson

Bizga shunday deyishadi: urush – qotillikdir. Yo‘q, u o‘z joniga suiqasddir.

Ramsey Makdonald

Shaharlarni askarlar topshiradi, generallar oladi.

Aleksandr Tvardovskiy

Haqiqatda urush hech kimga kerak emas, biroq ko‘pchilikka nafrat kerak.

Maks Frish

Har bir millat o‘zini boshqa millatlardan ustun hisoblaydi. Bu vatanparvarlik va... urushlarni keltirib chiqaradi.

Deyl Karnegi

Urushni adolatli deb bo‘lmaydi, chunki hatto adolat uchun kurashsang ham odilona urushish mumkin emas.

Tadeush Kotarbinskiy

Urush o‘zida barcha qashshoqlik va barcha jinoyatlarni qamrab olgan qashshoqlik va jinoyatdir.

Volter

Dushman bo‘lmaganda, urushlar ham bo‘lmaydi.

Lao Szi

Agar qo‘rquv tanho o‘zi hamisha odamlar ustidan hukmronlik qilganida hech qachon urushlar bo‘lmasdi.

Karel Chapek

Folklend urushi ikki taqirboshning taroq talashib qilgan mushtlashuvi edi.

Xorxe Luis Borxes

Urushni siyosatning davomi, deganlari yolg‘on. U siyosatning nochor va ojiz o‘simtasidir.

Sergey Lukyanenko

Askar bo‘lib tug‘ilmaydilar, askar bo‘lib o‘ladilar.

Yegor Letov

Urush g‘alabani yaxshi ko‘radi va davomiylikni xushlamaydi.

Sun Szi

Urushning maqsadi tinchlik hisoblanadi.

Arastu

Agar biz urushni yakunlamasak, urush bizni tugatadi.

Gerbert Uells

Hozir urushni niyat qiluvchi vahshiylar insoniyatning kelajagini o‘ldirishga shay, chunki bu ularning kelajagi emas.

Ilya Erenburg

Tinchlik qanday o‘rnatiladi va urushlar avj oladi? Diplomatlar jurnalistlarni aldaydi va o‘z yolg‘onlarini gazetalarda o‘qib ishonadi.

Karl Kraus

Urush tugamaydi, u dam oladi.

Urshula Kozel

Xalqqa qilingan ma’ruzalar urushda zavq-shavqqa ega bo‘lish uchun kerak.

Benito Mussolini

Dunyo – urushlar o‘rtasidagi nafas rostlash, xolos.

Adrian Dekursel

Agar urushning oqibatini oldindan ko‘rib bo‘lganda, har qanday urushlar to‘xtar edi.

Karol Bunsh

Yo urushlar urfdan chiqadi, yoki odamlar.

Bakminster Faller