21-iyun kuni bo‘lib o‘tgan yig‘ilishda Xalq ta’limi vaziri Sherzod Shermatov vazirlik markaziy apparati tarkibidagi barcha boshqarma va bo‘lim boshliqlarini ishdan bo‘shatish haqida topshiriq bergan edi.

26-iyun kuni esa tashkil etilgan press-brifingda Sherzod Shermatov vazirlik boshqarma va bo‘lim boshliqlarining nima uchun ishdan bo‘shatilganiga izoh bergan edi.

Bugun, 28-iyun kuni Xalq ta’limi vazirligi tizimni tubdan isloh qilish maqsadida maktab ta’limini yuksaltirishda aniq takliflarga ega bo‘lgan shijoatli, zamonaviy fikrlaydigan va eng muhimi, yosh avlod ta’lim-tarbiyasiga befarq bo‘lmagan yurtdoshlarimizni rahbar lavozimlariga taklif etadi.

Ma’lumotlar hr@xtv.uz elektron pochtasiga yuborilishi kerak.

Nomzodlar xatda quyidagi ma’lumotlarni ko‘rsatadilar:

1. Ism-familiyasi;
2. Yashash manzili;
3. Bog‘lanish uchun ma’lumotlar (telefon, e-mail, telegram);
4. Siz tizimdagi qaysi bo‘g‘inni rivojlantira olaman, deb o‘ylaysiz? (vazirlik markaziy apparati bo‘linmalari, viloyat boshqarmalari, tuman (shahar) bo‘limlari, ta’lim muassasasi rahbarlari lavozimiga);
5. Shu lavozimga nega aynan Siz munosibsiz (100 tagacha so‘z)?

Xatga, albatta, CV yoki shaxsiy ma’lumotnoma hamda 3x4 xajmdagi rasm ilova qilinishi kerak.