Xalqaro qidiruvga berilgan ayol BAAdan deportatsiya qilindi
Interpol Toshkent va Abu-Dabi Milliy markaziy byurolarining hamkorlikdagi sa’y-harakatlari natijasida Interpol kanallari orqali xalqaro miqyosda qidiruv e’lon qilingan jinoyatchi ayolni deportatsiya qilish masalasi hal etildi.
Samarali axborot almashinuvi va qo‘shma tezkor-qidiruv tadbirlarini o‘tkazish natijasida jamoat tartibiga qarshi jinoyat sodir etganlikda ayblanayotgan shaxs mamlakatdan chiqarib yuborildi.
Tezkor tadbirlar natijasida qidiruvdagi M.K.ning iziga tushildi va uning BAA hududida ekanligi tasdiqlandi.
BAA vakolatli organlarining ijobiy qaroridan so‘ng, ayol Amirliklar migratsiya politsiyasi xodimlari kuzatuvida deportatsiya qilindi va Toshkent xalqaro aeroportida javobgarlikka tortish maqsadida O‘zbekiston Respublikasi Interpol Milliy Markaziy Byurosi xodimlariga topshirildi, deyiladi xabarda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter