Android qurilmalar uchun Xabar.uz mobil ilovasi. Yuklab olish ×

Xorazmdagi «samosud» hodisasiga rasmiy munosabat bildirildi

Xorazmdagi «samosud» hodisasiga rasmiy munosabat bildirildi

Foto: Videolavhadan skrinshot

2020-yil 11-iyun kuni ijtimoiy tarmoqlarda bir nafar ayol kishini bir guruh ayollar urayotganligi aks etgan videolavha tarqatilgan bo‘lib, holat Xorazm viloyatida sodir bo‘lganligi aytib o‘tilgan.

Ushbu videolavha Xorazm viloyati IIB mas’ul xodimlari tomonidan o‘rganib chiqildi.

O‘rganish jarayonida quyidagilar ma’lum bo‘ldi:

Videolavhadagi holat 2020-yil 9-iyun kunidan 10-iyun kuniga o‘tar kechasi Qo‘shko‘pir tumanida sodir bo‘lgan va jabrlanuvchining shu kuni hudud profilaktika inspektoriga qilgan murojaati asosida IIB navbatchilik qismida belgilangan tartibda hisobga olinib, surishtiruv ishlari boshlangan.

Holatga aloqador barcha shaxslarning shu jumladan, uni  uyali telefoni orqali video tasvirga olib ijtimoiy tarmoqlarga joylashtirgan erkakning ham shaxsiga aniqlik kiritilgan.

Hozirda mazkur holat yuzasidan O‘zbekiston Respublikasi Jinoyat kodeksining 277-moddasi 2-qismi «b, g» bandlari bilan jinoyat ishi qo‘zg‘atilib, tergov harakatlari olib borilmoqda.

O‘tkazilgan tergov harakatlarining yakuni bo‘yicha qo‘shimcha ravishda axborot beriladi.

Izohlar

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring