Yakkabog‘da Hindiston shifoxonasi filiali ochiladi
Hindistonning «Rubby Hall» shifoxonasi professori, doktor Fahad Nahdi Yakkabog‘ga kelib, tuman hokimi Lutfiddin Abdullayev bilan uchrashdi.
Fahad Nahdi hokim bilan uchrashuvda tumanda Hindistondagi «Rubby Hall» shifoxonasi filialini ochish hamda eng so‘nggi diagnostika texnologiyalari va doktorlarni olib kelib, hamkorlikda ishlash taklifini berdi. Ushbu taklif tuman hokimi tomonida ma’qullanib, har tomonlama qo‘llab-quvvatlanishi bildirildi.
Fahad Nahdi tuman tibbiyot birlashmasida bo‘lib, yaratilgan shart-sharoitlar bilan tanishdi hamda og‘ir bemorlarni qabul qildi. Ularga kerakli tavsiyalarni berdi.
Ma’lumot o‘rnida: «Rubby Hall» shifoxonasi Hindiston davlatining Puna shahrida joylashgan bo‘lib, mamlakatdagi eng yetakchi shifoxonalardan biri hisoblanadi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter