Yangi yildagi «birinchi» o‘g‘rilikka barham berildi
Yurtimiz bo‘ylab bayramona kayfiyat hukm surmoqda. Ammo shunga qaramay, ayrim g‘ayriqonuniy xatti-harakatlar hamon davom etmoqda.
Jumladan, 2021-yilning 1-yanvar kuni tonggi soat 05:06 larda Toshkent shahar, Yunusobod tumani, 11-mavze, 56-A uyda joylashgan «Xavas Fud-009» MChJga qarashli oziq-ovqat do‘konidan Toshkent shahar Qo‘riqlash boshqarmasi monitoring markaziga «tashvish» xabari kelib tushgan.
Xabar zudlik bilan Yunusobod tumani 2-sonli tezkor harakatlanuvchi guruh xodimlariga yetkazilgan. Voqea joyiga yetib borgan xodimlar no‘malum shaxs oziq-ovqat do‘konining kirish eshigi oynasini sindirib, ichkariga kirganiga guvoh bo‘lgan. Tezkor harakatlanuvchi guruh xodimlari shaxsni qo‘lga olib, Yunusobod tumanidagi 5-sonli IIBga topshirgan.
Milliy gvardiya Toshkent shahar boshqarmasi matbuot xizmati xabariga ko‘ra, dastlabki surishtiruv natijasida ushbu noma’lum shaxsning shaxsi aniqlanib, hozirda holat yuzasidan surishtiruv ishlari olib borilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter