Yaponiya Bosh vazirining O‘zbekistonga tashrifini tashkil etishning yangi muddatlari kelishib olinadi
![Yaponiya Bosh vazirining O‘zbekistonga tashrifini tashkil etishning yangi muddatlari kelishib olinadi](http://static.xabar.uz/crop/1/1/720_460_95_1129328859.jpg)
Yaponiya Bosh vazirining O‘zbekistonga tashrifini tashkil etishning yangi muddatlari kelishib olinadi.
Bu haqda O‘zbekiston Respublikasi Prezidenti Shavkat Mirziyoyevning bugun, 9-avgust kuni yapon tomonining tashabbusi bilan Yaponiya Bosh vaziri Fumio Kishida bilan bo‘lib o‘tgan telefon orqali muloqotida ma’lum bo‘ldi.
Shavkat Mirziyoyev, shuningdek, Yaponiyaning janubi-sharqida kuchli zilzila ro‘y bergani va sunami kutilayotganidan xavotir bildirdi.
«O‘zbekiston Yaponiya tomonining «Markaziy Osiyo + Yaponiya» birinchi sammitini o‘tkazish va Bosh vazir Kishidaning joriy yil 10-11 avgust kunlariga rejalashtirilgan mamlakatimizga rasmiy tashrifi muddatlarini ko‘chirish to‘g‘risidagi qarorini to‘liq tushunishi ta’kidlandi.
Tayyorgarlik tadbirlarini davom ettirish va tashrifni tashkil etishning yangi muddatlarini diplomatik kanallar orqali kelishishga ahdlashib olindi», – deyiladi Prezident matbuot xizmati xabarida.
Eslatib o‘tamiz, bir muddat oldin, kuchli zilzila xavfi tufayli Yaponiya bosh vaziri Fumio Kishidaning 9-12 avgust kunlari Qozog‘iston, O‘zbekiston va Mo‘g‘ulistonga rejalashtirilgan to‘rt kunlik safarini bekor qilgani haqida xabar berilgan edi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter