Prezident Shavkat Mirziyoyev Iqtisodiyot va moliya vazirligiga bir oy muddat ichida avtotransport vositalarining atmosfera ifloslanishiga ta’sirini kamaytirish maqsadida Toshkent shahrida «Yevro-4» ekologik standartiga javob bermaydigan «M» va «N» toifasiga mansub, 2010-yilgacha bo‘lgan davrda ishlab chiqarilgan mashinalarni «trade-in» tizimi orqali xarid qilish tartibini ishlab chiqishni topshirdi.

Shuningdek, 2026-yil 1-aprelga qadar Toshkent shahrining 700 ta chorrahasida zamonaviy, sun’iy intellekt yordamida harakat oqimini boshqarish imkoniyatiga ega intellektual svetofor tizimi joriy qilinadi.

Ichki ishlar vazirligi 2026-yil yakuniga radar respublikadagi barcha toifaga kiruvchi transport vositalarini texnik ko‘rikdan o‘tkazish choralarini ko‘radi.

Bosh prokuratura esa 2025-yil 25-noyabrdan boshlab 2026-yil 25-martga qadar mazut, ishlatilgan avtomobil moyi va shinasining noqonuniy aylanmasini oldini olish, aniqlangan takdirda keskin choralar ko‘rish ishlarini olib boradi va natijasi yuzasidan Prezident Administratsiyasiga axborot kiritadi.